Skogsamling i Møre og Romsdal

Under samlinga gjekk vi gjennom skogbruksaktiviteten føregåande år, tilskotsrammer og nye føringar. Landbruksdirektoratet hadde fleire innlegg, mellom anna om arbeidet med ny forskrift om vernskog. Det er størst utfordringar knytt til vernskog i skredfarlege område. Vidare var det eit innlegg om konsekvensar og konfliktar knytt til skogsdrift.  

NIBIO fortalde om to prosjekt. Det eine var ei undersøkjng kring rotkjuke på gran i Møre og Romsdal, medan det andre omhandla årsaker til avgang av skogplanter etter utsetting i heile Noreg.

Det var tre større næringsaktørar til stades – Allskog, Nortømmer og SB-skog, som orienterte om sin aktivitet i fylket. Det omfatta mellom anna hogst i bratt terreng og leveranse av stolpevirke. Skogselskapet orienterte om pågåande og planlagde prosjekt, samt plantesal.

Forstmannslaget i Møre og Romsdal arrangerte «svartkjeltimen» på Sunnmøre museum. Der fekk vi orientering om historisk byggeskikk og trebruk.

Skogsamlinga er ein viktig møteplass, både fagleg og sosialt for dei som arbeider med skogbruk i Møre og Romsdal.

Du kan laste ned presentasjonane frå samlinga i kolonna til høgre.