Skogkultur

Skogkultur handlar om planting og såing etter hogst, tiltak for naturleg forynging, skifte av treslag, suppleringsplanting, pleie av den etablerte ungskogen og stammekvisting. Investeringane i skogkultur skal vere med på å sikre framtidig produksjon og verdiskaping, samstundes som viktige miljøverdiar i skogen vert tekne vare på og utvikla. Skogbruket skal vere sikra tilgang på frø og planter.

Statsforvaltaren har ansvar for å kontrollere at treslag og proveniensar blir nytta etter gjeldande reglar, og at bruken er skogbruksfagleg forsvarleg.